ونقوووووووووووووووول السلاااااااااااام
عليكم
وحشتوني ياقمرات
باختصار جدا
عاوزين بقي نحافظ علي الصلاة بتاعتنا
مش اننا نصلي يعني وكده
لالالالالالالا فيه فرق بين اننا نصلي واننا نحافظ علي كل فرض في ميعاده
باختصار جدا قومي الوقتي حالا وهاتي ورقة وقلم واعملي جدول
زي جدول الحصص بتاع المدرسة اكتبي بالطول ايام الاسبوع من اول النهاردة
الجمعه
وبالعرض تعملي خمس خانات تكتبي فيهم الفجر والظهر والعصر والمغرب والعشا
كل يوم اول ما تصلي فرض في ميعاده تعلمي علامة صح ومعاده يعني ورا الاذان
علطووووووووول
والافضل من كده وكده انك تتوضي وتستعدي قبل الاذان اصلا لان من افضل
الاعمال الي الله
انتظار الصلاة بعد الصلاة
شوفي لما بتكوني مستنية برنامج مهم بتبقي عاملة ازاي قبلها
المهم ياقمرات هنقوم حالا نعمل الجدول ونعلقه في حته واضحه في البيت ويكون
حافز لينا
وتقيمي نفسك زي ما هتقيمي موضوعي كده ياتري مقبول ولا ممتاز ولا سيئ ولا
جيد
انا عارفة ان فيه بنات كتير هيقولوا طب ما احنا بنصلي كل فرض في ميعاده ومش
معقول يعني هنقصر في فريضة
الاسلام الاولي بعد الشهادتين
اقولك ياقمر ربنا يباركلك مش كلنا منتظمين انا عن نفسي كنت مقصرة جدا وحسيت
اني التزمت اكتر مع الجدول
وحسيت ان ليا جدول فوق عند ربنا بيتسجل فيه فقلت لازم احاسب نفسي قبل ما
ربنا يحاسبني
اتمني الفكرة تعجبكم وقيموا بقي ياحبايبي عشان بس يتثبت والله مش اكتر